Хәния Фәрхи бәлеше

Реклама

Бу рецептны бирү идеясе көтмәгәндә килде. Моннан 14 ел элек «Сөембикә» журналы Хәния Фәрхи һәм Габделхәй Биктаһировларда кунакта булган иде. Шул очрашудан бик матур фотосурәтләр сакланып калган. Әнә алар кызларының фортепьянода уйнаганына сөенеп басып тора, әнә әнисе төпчегенең чәчен тарый. Ә бер фотода яраткан җырчыбыз хуш ис бөркеп торган кайнар бәлеш күтәргән. 

Җырчылар белән аралашканда кем дә булса берәү Хәния Фәрхи пешергән бәлешләрнең тәме хакында әйтми калмый. «Бәлешне  барыбыз да пешерә, Хәния апаныкы бигрәкләр дә тәмле була иде», – диләр. Рәхмәт инде Алиягә, әниең бәлеш пешергәндә, син дә карап, өйрәнеп торгансыңдыр бит, аның рецептын хәтерләмисеңме, дигәч, озакка сузмый гына язып та җибәрде. Безнең өчен кадерле рецепт бу, чөнки ул Хәния Фәрхинеке. 

«Әни бәлешне көнбагыш мае салынган төче камырдан пешерә иде, – диде Алия. – Башта савытка ике йомырка сыта, тоз сала, тигез күләмдә су һәм сөт (без зур бокал ала идек тә, аның яртысына су, яртысына сөт сала идек), ярты бокалдан артыграк көнбагыш мае салып, камыр баса.  

Эченә сыер ите белән каз ите турый, икегә бүлеп казның башын, аягын, канатларын сала, муенын турап куша. Аз гына каз мае да эретеп сала. Суган белән бәрәңгене ваклап турый, тозын, борычын сибә. 

Бәлешне ясагач, һавасы чыксын дип, уртасында тишек калдыра иде. Бәлешне башта нык кызган – 200-220 градустагы мичкә тыгабыз. Бу – өсте кетердәсен өчен. 20-30 минуттан мичне кысабыз, 150-180 градуста ике сәгать ярым-өч сәгать пешерәбез. Өсте көймәсен дип, әни камырдан капкач ясап каплый торган иде. Анысын ашамыйбыз инде, ташлыйбыз. Фольга гына да ябарга була, тик камыр капкач белән тәмлерәк була кебек.  

Әнинең рецепты менә шундый. Бернинди дә артык сере юк». 


Хәния апа әзерләгәнчә итеп, аны искә төшереп, сез дә пешереп карагыз әле, кадерле укучыларыбыз. «Бигрәк тәмле!» – дисәләр, «Хәния Фәрхи рецепты белән пешердем», – диярсез.  

 

  

Ошый
Поделиться:
Комментарийлар (3)
Cимвол калды:
  • 14 ноябрь 2019 - 03:49
    Без имени
    Бүген үк пешерәм, боерса! Какраз ярты казым да бар иде әле. Бәлешне яратабыз без.
  • 14 ноябрь 2019 - 03:49
    Без имени
    Мондый эсседэ бэлеш котеп торыр бераз))) коннэр сурелгэч алла телэсэ
  • 14 ноябрь 2019 - 03:49
    Без имени
    Ноябрьда каз омэсе уткэч тэ пешерэм Алла бирса
Хәзер укыйлар
Соңгы комментарийлар
  • 14 ноябрь 2019 - 03:49
    Без имени
    ул вакытта кеше тамак турында уйлап яшәгән, хәзер бар нәрсә дә бар, балага нәрсә ашатыйм, нәргә кигерим дип борчылмыйлар, эчке проблемалар килеп чыгарга менә дигән шарт.
    Ике баласы белән тәрәзәдән сикергән  
  • 14 ноябрь 2019 - 03:49
    Без имени
    Лилия эчен бик шат лекин мондый язмыш бик тэ сирек буладыр
    Кояшым 
  • 14 ноябрь 2019 - 03:49
    Без имени
    Бик кызганыч. Сэбэп икенчедер диеп уйлыйм мин. Безнен энилэр бала тапкан, депрессияга вакыты калмаган. Мин бишенче бала. Мунча ягып йорегэн жиремнэн чирлэдем дэ, сине йортка кереп, кендек эбисе чакыртырдым,син тугач, кич салкын а мунча да юынып чыктым дип сойли энкэй. Эле ана 91 туда, Алла бирса. Ир, 5 бала, мал туар, бакча, икмэк салу кондэ, су ерактан ташу...Аллага шокер итеп устердек сезне, эткэгез белэн ди. Депрессияга урын калмаган...
    Ике баласы белән тәрәзәдән сикергән  
  • 14 ноябрь 2019 - 03:49
    Без имени
    Укып чыктым. Беренче чиратта ихтибар иттем, нэрсэдер ул дигэнчэ килеп чыкмаса, башка кеше гаепле.
    «Иң авыры – якыннар хыянәте...» 
  • 14 ноябрь 2019 - 03:49
    Без имени
    хәзер авылдагы ике йортның берсендә ул мирас өчен талаушу. акчага, малга табынган чорда яшибез.
    «Безгә кайната-кайнанамның рәнҗеше төште...» 
Реклама
Кешелек хакында фәлсәфи уйланулар, робот София һәм ипи
Балачак – уйнар чак...