Ирләрдәге кризислар

Психологлар кеше тормышын шартлы төстә берничә өлешкә бүлә. Ир кеше өчен андый чорлар өчәү. Шәхси кризислар да күбрәк шушы вакытта килеп чыга икән.

 

Беренче кризис

Үткән белән киләчәк арасында

30 яшендә ир-егетнең күңеле стабильлеккә омтыла. Эштә дә, гаилә дә тотрыклылык мөһим аның өчен. Нәкъ менә шушы яшьтә алар каршылыклы хисләр кочагында кала. Артта – үз рәхәтеңә генә яшәгән яшьлек тормышы, алда – җаваплылык һәм киләчәктә нәрсә көтәсен үзең дә белмисең. Ир-егет янындагы хатын-кыздан бу вакытта үзен тагын да назлырак, җылырак тоту сорала. Шунсыз ир кеше бу кризисны тиз генә җиңә алмаячак.

 

Икенче кризис

Икеләнүләр вакыты

Кырык яшьтән соң күпчелек ирләр туган көн үткәрүне яратмый. Кырыкны узган ирләрдә ике әйбер аеруча нык күренә башлый: үпкәчеллек һәм хисчәнлек. Ул үз урыны турында уйлана, тормышына бәя бирә. Моңарчы игътибар итмәгән булса да, хәзер аңа туганнарының, балаларының, хатынының мөнәсәбәте бик мөһим. Ул үз тормышына карата булган тәнкыйтьне авыр кабул итә. Үз-үзеңә кул салулар да шушы яшьтә күбрәк күзәтелә икән, бу ир-егетнең тормышыннан канәгать булмавыннан килеп чыга, диләр психологлар.

 

Өченче кризис

Кабыргага төртүче җен

Көннәрдән бер көнне ирләр үзләренә дигән поездның узып китеп баруын абайлап ала. Менә шул чакта инде алар ничек кенә булса да поездга эләгү юлларын эзли башлый. Күп очракта ул яшьрәк хатын-кыз булып чыга. Яшь хатын-кыз янында ул бит акыллырак, зирәгрәк күренүен белә, аның янында икенче яшьлеген кичерә: шул ук романтика, татлы хисләр, яңа ачышлар... Кырык яшендә ир-ат гаиләсеннән сирәк очракта гына китсә, илле яшьлекләр якыннарын чит-ят хатын-кызга бик рәхәтләнеп алыштыра ала.

 

Кризистан дару бармы?

Кызганычка каршы, юк. Ләкин психологлар алай да бер-ике киңәш бирә. Иң мөһиме: әлеге «күчеш чоры»ннан курыкмаска. Үзеңне нәрсә көткәнен белсәң, аңа әзерләнүе җайлырак бит. Күңелең тыныч булса, бер генә кризис та куркыныч түгел, диләр психологлар.

 

Реклама
Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 14 ноябрь 2019 - 05:00
    Без имени
    ул вакытта кеше тамак турында уйлап яшәгән, хәзер бар нәрсә дә бар, балага нәрсә ашатыйм, нәргә кигерим дип борчылмыйлар, эчке проблемалар килеп чыгарга менә дигән шарт.
    Ике баласы белән тәрәзәдән сикергән  
  • 14 ноябрь 2019 - 05:00
    Без имени
    Лилия эчен бик шат лекин мондый язмыш бик тэ сирек буладыр
    Кояшым 
  • 14 ноябрь 2019 - 05:00
    Без имени
    Бик кызганыч. Сэбэп икенчедер диеп уйлыйм мин. Безнен энилэр бала тапкан, депрессияга вакыты калмаган. Мин бишенче бала. Мунча ягып йорегэн жиремнэн чирлэдем дэ, сине йортка кереп, кендек эбисе чакыртырдым,син тугач, кич салкын а мунча да юынып чыктым дип сойли энкэй. Эле ана 91 туда, Алла бирса. Ир, 5 бала, мал туар, бакча, икмэк салу кондэ, су ерактан ташу...Аллага шокер итеп устердек сезне, эткэгез белэн ди. Депрессияга урын калмаган...
    Ике баласы белән тәрәзәдән сикергән  
  • 14 ноябрь 2019 - 05:00
    Без имени
    Укып чыктым. Беренче чиратта ихтибар иттем, нэрсэдер ул дигэнчэ килеп чыкмаса, башка кеше гаепле.
    «Иң авыры – якыннар хыянәте...» 
  • 14 ноябрь 2019 - 05:00
    Без имени
    хәзер авылдагы ике йортның берсендә ул мирас өчен талаушу. акчага, малга табынган чорда яшибез.
    «Безгә кайната-кайнанамның рәнҗеше төште...» 
Реклама
Кешелек хакында фәлсәфи уйланулар, робот София һәм ипи
Балачак – уйнар чак...