​Ир-атның “башын катырмыйча гына” әңгәмә кору серләре

Реклама

Башымны катырма әле! Мөһим сүз сөйли башлыйсың кебек, ә сиңа җавап итеп  әнә шулай диләр.  Моны, нигездә, бик якын кешеләр генә үзара әйтергә мөмкин. Күп очракта ул - ирең яки яраткан кешең. Димәк, аның  сине тыңларга мөмкинлеге юк яки теләми, йә булмаса, әлегә сөйләшүне кабул итәргә, фикерләшергә әзер түгел. Әлбәттә, аның өчен иң уңай вариант: “башымны катырма әле”.  

Моны ишетәсең икән, әңгәмәдәшеңә авыз турсайтырга түгел, ә бәлки аны кызганырга кирәк. Димәк, аның баш мие мәгълүмат күләмен колачлый алмый, хәзергесе минутта үзеннән кәнәгать түгел. Сине дә борчылу чыганыгы дип кабул итә. Ир-ат белән нәтиҗәле әңгәмә төзү өчен берничә кагыйдәне  истән чыгармау мөһим: 

1.Сөйләшү өчен уңайлырак урын һәм вакыт сайларга тырыш.  Четерекле мәсьәләне  светофорда туктаганда күтәрү секс вакытында проблема хәл итү кебек үк урынсыз. Бу ике хәлдә дә әңгәмәдәшеңнең баш мие башка бурычларны үтәүгә юнәлгән - аңа комачау итү ярамас.  

2. Мөрәҗәгатеңне җентекләп һәм аңлаешлы итеп формалаштырырга тырыш. Сорауның алхәбәре бар икән, бу хакта ир-атка  башта ук әйтергә кирәк. Әзер торсын! 

3. Әңгәмәне “мин синең бу хакта сөйләшергә яратмавыңны беләм ...” дигән сүзләрдән башлау зур хата. Шул рәвешле, син башта ук үзеңә уңышсызлык юрыйсың.  Синең сүзләрне ничек кабул итәргә кирәклеген  көчле затның үзенә сайларга мөмкинлек бир! 

4. Сөяркәңә акча сорарга җыенмыйсың икән, гафу үтенү белән сөйләшергә керешү дөрес түгел. Төчелек, гадәттә, ир-атларны ярсыта гына. Төрле хәлләр була, шулай да мөгамәләне  тез чүгеп түгел, ә бер дәрәҗәдә кору яхшырак.  

5. Эмоцияләреңне тыярга тырыш. Әйтәсе сүзең никадәр мөһим булмасын, әңгәмәне монологка яки гаепләүгә әйләндерү ярамый. Син бит әңгәмәдәшеңнең мәгълүмат агымында тончыгуын яки саклана башлавын теләмисең.  Максатың хаклык тәлап итү түгел, ә сүзеңне ишеттерү.  

Болай итеп әңгәмә корганда да сине  бик еш “сәяхәткә” җибәрәләр икән, бу мөнәсәбәтләрне киредән карауга зур сәбәп.  

Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 14 ноябрь 2019 - 04:26
    Без имени
    ул вакытта кеше тамак турында уйлап яшәгән, хәзер бар нәрсә дә бар, балага нәрсә ашатыйм, нәргә кигерим дип борчылмыйлар, эчке проблемалар килеп чыгарга менә дигән шарт.
    Ике баласы белән тәрәзәдән сикергән  
  • 14 ноябрь 2019 - 04:26
    Без имени
    Лилия эчен бик шат лекин мондый язмыш бик тэ сирек буладыр
    Кояшым 
  • 14 ноябрь 2019 - 04:26
    Без имени
    Бик кызганыч. Сэбэп икенчедер диеп уйлыйм мин. Безнен энилэр бала тапкан, депрессияга вакыты калмаган. Мин бишенче бала. Мунча ягып йорегэн жиремнэн чирлэдем дэ, сине йортка кереп, кендек эбисе чакыртырдым,син тугач, кич салкын а мунча да юынып чыктым дип сойли энкэй. Эле ана 91 туда, Алла бирса. Ир, 5 бала, мал туар, бакча, икмэк салу кондэ, су ерактан ташу...Аллага шокер итеп устердек сезне, эткэгез белэн ди. Депрессияга урын калмаган...
    Ике баласы белән тәрәзәдән сикергән  
  • 14 ноябрь 2019 - 04:26
    Без имени
    Укып чыктым. Беренче чиратта ихтибар иттем, нэрсэдер ул дигэнчэ килеп чыкмаса, башка кеше гаепле.
    «Иң авыры – якыннар хыянәте...» 
  • 14 ноябрь 2019 - 04:26
    Без имени
    хәзер авылдагы ике йортның берсендә ул мирас өчен талаушу. акчага, малга табынган чорда яшибез.
    «Безгә кайната-кайнанамның рәнҗеше төште...» 
Реклама
Кешелек хакында фәлсәфи уйланулар, робот София һәм ипи
Балачак – уйнар чак...