Картаерга теләмәгәннәр өчен: алмадан маска

Алмадан инде кайнатма да ясадык, киптердек тә, ә ул һаман бетми! Алма бар чакта, аңардан маска да ясап карыйбызмы, кызлар? Өйдә ясалган косметологиядә алма, гомумән, күп кулланыла.  Чөнки аңарда  А, С, РР витаминнары, тимер, магний, калий, пектин бар. 
Алмадан ясаган маскалар бит тиресен тукландыра, яшәртә һәм аның тапларын бетерә. Алмада булган органик кислота бит тиресенең иң тышкы катламында булган барлык артык нәрсәне куптарып төшерә. Җиңелчә пилинг ясаган кебек килеп чыга.  
Алмадан бит тиресе өчен ясалган бер масканың рецептын сезгә дә тәкъдим итәбез. 

Маска ясау өчен ниләр кирәк:
* 0,5 алма;
* 0,5 кыяр;
* 1 йомырка агы;1 чәй кашыгы петрушка;
* 1 чәй кашыгы бөтнек. 

Масканы ясау
Алма белән кыярны вак угыч яки блендер ярдәмендә ваклыйбыз. Петрушка белән бөтнекне дә блендерда гына ваклап алырга була. Кыяр, алма, петрушка һәм бөтнектән торган бу ботканы бергә кушабыз һәм әйбәтләп болгатабыз.  Йомырка агын кушабыз һәм кабат бик әйбәтләп болгатабыз. 

Масканы дөрес итеп ничек кулланырга?
Әзер масканы 10 минутка суыткычка куеп торабыз. Аннары калын гына итеп биткә сөртәбез һәм  15-20 минут тотабыз. Җылы су белән юып төшергәч, берәр крем сөртәбез. 
Масканы кичен, йоклар алдыннан куллансаң әйбәтрәк. 

фото: https://pixabay.com

Реклама
Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 22 сентябрь 2019 - 17:41
    Без имени
    Кызлар, язма исеме итеп шакшы жирен алып куймагыз инде, еш кабатлана башлады бу сезнең, сез бит əдəп-əхлакны сакларга тиешле хатын- кыз журналы
    Улымны атсыннар!
  • 22 сентябрь 2019 - 17:41
    Без имени
    Дэвамын кайчан укырга була ? Авторы кем ? Искитмэле тетрэндергеч повесть . Дэвамын котэм
    Ай сылуы 
  • 22 сентябрь 2019 - 17:41
    Без имени
    Тавышларын бигрэк матур инде. Ушларым китеп тынлыйм жырларынны. Бэхетле бул. Жинел жилпе жырларга гына тошмэ.
    Җырчы Алия Исрафилова гаилә, сәхнә һәм... Ленин турында
  • 22 сентябрь 2019 - 17:41
    Без имени
    Дэвамын бик укыйсы килэ бит
    Ай сылуы 
  • 22 сентябрь 2019 - 17:41
    Без имени
    Азагын белэсе килэ китапны каян алып була
    Ай сылуы 
Реклама
Кешелек хакында фәлсәфи уйланулар, робот София һәм ипи
Балачак – уйнар чак...