Бу массаждан сез яшәреп китәрсез!

Принц Гарриның хатыны Меган Марклның косметологы Николас Джосс бит тиресе ефәк кебек матур булсын өчен, массаж процедураларының серләре белән социаль челтәрләрдә уртаклаша. 

Буй җитмәс бу косметологка без, билгеле, эләгә алмабыз, ә менә аның күрсәтмәләренә таяна алабыз. «Битне дымландырыр, тукландырыр өчен, шешенүне бетерер өчен биткә махсус «бит өчен май» сөртеп, массаж ясагыз. Массаждан соң биттәге мускуллар сафланып китә һәм сез яшәреп китәрсез», – дип киңәш итә ул. 

 

Массаж ярдәме белән  яңак сөяге (челюсть) җиңелчә генә тарттырылыр, яңак калкымы сызыгы (контур мускул) аермачык булып күренер. Массаж шулай ук лимфодренаж үзлеккә дә ия. 

 

Массажны иртә, йә кич ясасаң яхшы. Гадәттә, иртә белән массаж процедураларына вакыт җитми. Әмма без тәкъдим иткән бу массаж  шунысы белән дә уңай – аңа нибары 5 минут вакыт җитә. Аның эффекты шунда ки: бит тиресен «уятырга» ярдәм итә, шешенкелекне бетерә. 

 

Шулай итеп,  Николас Джосс өйрәткән иртәнге массажга керешәбез. 

 

Битне юабыз. Уч төбенә ике тамчы махсус май тамызып, учыбызда яхшылап уабыз. Учыбызны биткә тидереп, майлы учларыбызны биткә сөртәбез. Шуны истә тотыгыз: битнең тиресен  тарттырып ышкырга кирәк түгел, алай иткәндә басым чит-читкә түгел, ә мускулларга тия.  Шуның өчен бит тиресе мул итеп майланган, шома булырга тиеш – бармаклар шуып йөрерлек итеп. 

1. Ике бармак белән (имән һәм урта бармаклар) ияктән колакка таба сыпырып алабыз. 



2. Берничә кат шулай эшләгәннән соң, бармакларны сөякле ягына бөгеп, шул ук хәрәкәтләрне ясыйбыз. 



3. Күз төпләренә, күз кабакларына крем сөртәбез. Имән бармак белән тышкы күз читенә тотынабыз, ә урта бармак белән ике күз арасыннан (переносица) имән бармакка таба һәм кирегә хәрәкәт итәбез. 



4. Шуннан соң урта бармак белән каш өсте буйлап йөртәбез. Күзләрнең арыганлыгын һәм шешенкелеген бетерергә ярдәм итә бу хәрәкәт. 

5. Чәчләргә таба маңгайны сыйпыйбыз. 

6. Иң ахырдан уч төпләре белән уң колак ягыннан сул күкрәк ягына таба , сул колак ягыннан уң күкрәк ягына таба үткәрәбез. Бу хәрәкәт белән лимфаларны стимуллаштырабыз. 

 

Ә инде дәвамлырак итеп биткә массажны кич  белән ясыйбыз. 

 

1. Башта әйбәтләп битне чистартабыз. Тагын шулай ук уч төбенә махсус май салып, учыбызда яхшылап уабыз. Аннары битнең уртасыннан – колакка кадәр, кашлардан – чәчләргә таба, ияктән соң аска таба – муен буенча уч төбе белән йөртеп алабыз. 

2. Иртә белән ясаган (1, 2, 3) процедураларны кабатлыйбыз. 

3. Бит уртасында бер нокта табып, имән һәм урта бармакларны аерымлап (V рим цифрасы шикелле), эчке һәм тышкы күз очларына таба 6 тапкыр йөртеп алабыз. 



4. Уң кулны башка куеп, бармаклар белән яңак сөяге урынын бөтереп-бөтереп алабыз. 



5. Уч төпләре белән яңак сөягенә таянып, башны аска иябез. Уч төпләрен шул килеш калдырып, яңадан шул хәлгә кайтабыз һәм уч төпләре белән колакларга таба сыйпап алабыз. 



6. Иртәнге процедураларның 3 нче, 4 нче, 5 нче пуктларын кабатлыйбыз. 

 

Әгәр дә сез махсус майларга өстенлек бирмисез икән, яраткан кремнарыгызны куллана аласыз. 


Реклама
Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 22 сентябрь 2019 - 15:08
    Без имени
    Кызлар, язма исеме итеп шакшы жирен алып куймагыз инде, еш кабатлана башлады бу сезнең, сез бит əдəп-əхлакны сакларга тиешле хатын- кыз журналы
    Улымны атсыннар!
  • 22 сентябрь 2019 - 15:08
    Без имени
    Дэвамын кайчан укырга була ? Авторы кем ? Искитмэле тетрэндергеч повесть . Дэвамын котэм
    Ай сылуы 
  • 22 сентябрь 2019 - 15:08
    Без имени
    Тавышларын бигрэк матур инде. Ушларым китеп тынлыйм жырларынны. Бэхетле бул. Жинел жилпе жырларга гына тошмэ.
    Җырчы Алия Исрафилова гаилә, сәхнә һәм... Ленин турында
  • 22 сентябрь 2019 - 15:08
    Без имени
    Дэвамын бик укыйсы килэ бит
    Ай сылуы 
  • 22 сентябрь 2019 - 15:08
    Без имени
    Азагын белэсе килэ китапны каян алып була
    Ай сылуы 
Реклама
Кешелек хакында фәлсәфи уйланулар, робот София һәм ипи
Балачак – уйнар чак...