Миләүшә Гайфуллина: «Горур милләтемне күреп кайттым!»

Шушы көннәрдә редакциябезгә «Бөтенроссия татар гаиләсе» фонды директоры Миләүшә Гайфуллина килеп китте һәм Актанышта узган Ык буе авыллары Сабантуе 2019 дан алган тәэсирләре белән уртаклашты. 

Миләүшә Гайфуллина җитәкләгән әлеге фонд 12 ел инде актив эшләп килә. Ул Бөтендөнья татар конгрессы Башкарма комитеты каршында оешкан. Мәскәүдә РФ Юстиция министрлыгында теркәлгән. Фонд эшчәнлегенең төп юнәлеше – татар гаиләсенә хас иң яхшы сыйфатларны саклап калу, аларны заманга яраклаштыру. Миләүшә ханым Фонд башкарган эшләргә тукталып, Ульяновскида узган «Мөселман гаиләсе» дигән чараны, Чүпрәледә оештырылган «Татар гаиләсе» бәйрәмнәрен искә алды. Казан кооперация институтында милли-мәдәни үзәк ачылуы, «Зыялы хатын-кызлар» клубы оешуы турында шатланып хәбәр итте. Ел саен Фонд радиожурналист Рәзин Нуруллин әзерләгән «Пар канатлар» тапшыруы белән берлектә Бөтендөнья гаилә көненә багышлап тирән эчтәлекле чаралар уздыра, районнарда очрашулар үткәрә – болары хакында да без хәбәрдар. Инде районнарда «Бөтенроссия татар гаиләсе» фондының бүлекләре дә ачыла башлаган. Бу көннәрдә, мәсәлән, Арчада шундый иҗтимагый оешма эшли башлаган. Тиздән ул Чүпрәледә  оешачак. Шулай ук Актанышта да фонд эшчәнлеге зур кызыксыну уяткан. Болар хакында Миләүшә Хафиз кызы сөенеп хәбәр итте. 

Аннары сүз кабат Актанышка, Ык буе авыллары Сабан туена күчте. Фонд директоры 15 июньдә Актанышта Ык елгасы бассейнында кеше һәм табигатьнең тарихи үсешенә, районның тарихына һәм мәдәниятенә багышланган Бөтенроссия фәнни-гамәли конференциясендә дә катнашкан. Идел–Урал буе вәкилләре, район җитәкчеләре, галимнәр, тарихчылар, эшмәкәрләр, музей хезмәткәрләре, укытучылар  әлеге зур сөйләшүгә  җитди әзерләнгән. Аны ТАССР оешуга 100 ел тулу уңаеннан оештырылган колачлы чара дип тә кабул итәргә кирәктер. 

Актаныш – бөтен татар милләтенә, җиде миллионлы татар халкына үрнәк күрсәтте! – диде Миләүшә ханым соклануын яшерә алмыйча. – Андагы гүзәллек, андагы табигать!.. Кешеләре ихлас, табигый.  Татар халкының горур егет-кызлары, милли матурлык, милли тыйнаклык, шул ук вакытта зәвыклылык таң калдырды!.. Исем китеп, сокланып кайттым! Беренче көнне кич кунакларга Нурихан Фәттах әсәре буенча әзерләнгән «Итил суы ака торур» спектаклен күрсәттеләр. Һәвәскәр артистлар искиткеч итеп уйнады! Бу коллективка дәүләт статусы бирүләрен теләр идем. Минем фикерем генә түгел бу, залдагы бөтен кеше шул фикерне әйтте. Шуның кадәр матур оештырылган, матур уйныйлар!.. Матур уйнау үзе бер халәт булса, сәхнә киемнәре үзе бер тема. Искиткеч! Гаҗәп затлы, зәвыклы! Район башлыгы Энгель Нәвапович Фәттахов масштаблы уйлый, масштаблы эшли! Татар гаиләсенең матур үрнәкләрен дә Актанышта күреп кайттык. Менә ничек эшләргә, ничек яшәргә кирәк! Барысы да горур, талантлы, уңган-булган, тырыш. Уңганлык, тырышлык, булганлык, эчке горурлык белән параллель барса гына, кеше – шәхес. Актанышта горур милләтемне күреп, илһамланып кайттым. 

                                                

Реклама
Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 22 октябрь 2019 - 07:49
    Айгизә
    Сүзләрегез белән килешми мөмкин түгел, Гөлнур. Хәзерге яшьләрне бер нәрсә белән гаҗәпләндермәссең сыман.. Чөнки алар яңа заман балалары... бар әйбер дә булган, шөкер илдә, вакытта туган сабыйлар. Бер әйбергә дә мохтаҗ түгелләр. Хәзерге яшьләр, бигрәк тә яшүсмерләр бәйсезләр, кыланырга яраталар.. Минечмчә, мондый балаларны үзләрен шул вакыйга куеп, укытучы, әти-әниләре иншалар яздыртсыннар иде.. Менә шуннан без аларның фикерләрен, карашларын белер идек..
    «Сестренка» фильмы: бөтен кеше каравын телим 
  • 22 октябрь 2019 - 07:49
    Айгизә
    Аллам сакласын! Диана070, сүзләрегез белән килешми мөмкин түгел. Дөресе шул, алар безнең арабыз да яшиләр! Кыз белән егет бергә йөргән вакытта - алар йомшак куяннар, ә менә өйләнгәннән соң тормыш кемнең кем икәнен күрсәтә башлый... Минемчә, әгәр ир кеше бер тапкыр кул күтәрде икән, бу уйланырга вакыт дигән сүз...
    Кыйный, димәк, ярата?! 
  • 22 октябрь 2019 - 07:49
    Айгизә
    Катнаш никахлар - авыр мәсьәлә.. Әмма бит без дә булачак иребез, хатыныбыз тормышта нинди булачагын белмибез.. Бер-берсен яраткан кешеләр, бер-берсен хөрмәт иткән кешеләр нинди дә булса компромисс табачак...
     Балаларны катнаш никахтан ничек араларга? 
  • 22 октябрь 2019 - 07:49
    Диана070
    Сезнен сүзләрегез буенча бик тетрәндергеч фильм булып күз алдыма басты. Бүгенге яшьләр өчен бик тә кирәкле! Кызганычка карша, хәзерге яшьләр икенче төрле шул... Аларга шул телефон булса, җитә. Кешелеклекнең нәрсә икәнен белмиләр...
    «Сестренка» фильмы: бөтен кеше каравын телим 
  • 22 октябрь 2019 - 07:49
    Диана070
    эйе, сүзләрегез белән килешәм. Минем дә шундый вакытлар булгалый..фотоальбомны ачып җибәрәм дә,балачагыма чумам..кайтарасы килә шул вакытларны.
    Фотолар дәвалый? 
Реклама
Кешелек хакында фәлсәфи уйланулар, робот София һәм ипи
Балачак – уйнар чак...