Эремчекле печенье

Бу печеньеларны тәмле дип кенә әйтү – аз. Алар, чыннан да, бик тәмле, авызда эреп китә – алтынсу төсендәге йомшак, уалучан печеньеларның эремчекле эчлеге дә үзе файдалы, үзе искиткеч хуш исле. Печенье камырында кукуруз оны кушылу да аның структурасын бик тә үзенчәлекле итә.
 

Кирәк:

(камыр өчен)
* 2 йомырка;
* 4 аш кашыгы шикәр комы;
* 100 г атланмай;
* майлылыгы 20% булган 3 аш кашыгы каймак;
* 300 г бодай оны;
* 200 г кукуруз оны;
* 10 г камыр көпшәрткеч (разрыхлитель);
* 1-2 г ванилин.


(эчлек өчен)
* 250 г 5% лы эремчек;
* 1 йомырка;
* 2 аш кашыгы шикәр комы.

 

Эш барышы:

1. 2 йомырканы, каймакны, шикәр комын савытка салып катнаштырабыз.


2. Йомшаган атланмай өстибез.


3. Иләнгән бодай һәм кукуруз онын, камыр көпшәрткечен дә шунда салып, камыр басабыз.


4. Камырны басып бетергәч, 2-3 сәгатькә суыткычка куеп торабыз.


5. Шул арада эчлек әзерлибез: эремчекне, йомырка белән шикәр комын, ванилинны бергә кушып, бертөрле катнашмага килгәнче туглыйбыз.


6. Камыр әзер булгач, печеньеларны ясарга керешәбез – камырны юка итеп җәеп, дүртпочмакларга кисәбез.


7. Аннары дүртпочмакларны әйләндереп, очларын конверт сыман тоташтырабыз.


8. Яңадан әйләндереп, уртасына бераз гына эчлек салабыз.


9. Бер-бер артлы кырыйларын тоташтырып, әйбәтләп бөгәбез, һәр дүрт читнең очларын яфрак сыман итеп бераз гына тарттырып алабыз.


10. «Антипригарный коврик» җәелгән табага печеньеларны тезәбез һәм 25-30 минутка 180 градуска кадәр кызган духовкага тыгабыз.


11. Әзер печеньеларны чәй табынына суытып чыгарабыз.
Чәйләрегез тәмле булсын!

 

Реклама
Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 19 ноябрь 2019 - 08:21
    Без имени
    Сезгэ афарин,ходайнын рэхмэтендэ булыгыз!тик апаларыгызны гына анлай алмыйм.
    «Әни җырлап китте...»
  • 19 ноябрь 2019 - 08:21
    Ilnaz Fazlutdinov
    Әтиемнең сүзләре искә төшә: "...Мәңгелектән башын алган гомерем Мәңгелеккә барып тоташа."
    Әти ялгыш та бер назламады, әмма...  
  • 19 ноябрь 2019 - 08:21
    Ilnaz Fazlutdinov
    Шушы хисләрне яңадан кичерергә курыкканга, ялгышлыкларны искә төшермәс өчен фотоларны карарга бик ашыкмыйм да, гәрчә көлдерә торганнары, күңелне күтәрә торганнары да шактый. Бүген, социаль челтәрләр килеп керүе, барлык кесә телефоннары фотовидеокамералы булуына бәйле, фотокарточкаларның кыйммәте дә, кызганычка каршы, кимеп бара шул...
    Фотолар дәвалый? 
  • 19 ноябрь 2019 - 08:21
    Без имени
    Бер як кына тырышып булмый шул...Ике як та акыллы булырга тиеш.
    «Ирне ташлап йөрү буламы?!» 
  • 19 ноябрь 2019 - 08:21
    Без имени
    Бер яктан кияугэ чыккач ирен белэн бергэ булу кирэк. Икенче яктан атасы чирли.... Анлавымча автор узе генэ эни этисенэ кайтып йорегэн. Э апа абый сенеллэре бик кайтып йоремэгэн!Ирнен апасынын гына кире ягын курэ, карамады уз инэсен диеп. Эле ире белэн бергэ торалар. Э узлэре чит кешелэр, якын тугеллэр. Хатыны авылда булгач, берэр чит хатында тапкан диеп язылыр диеп уйладым....
    «Ирне ташлап йөрү буламы?!» 
Реклама
Кешелек хакында фәлсәфи уйланулар, робот София һәм ипи
Балачак – уйнар чак...