​Радий Хәбировның хатыны Элвин Грейны гаепли

Реклама

  

Татарлар һәм башкортлар арасында популяр булган Элвин Грей белән чираттагы гауга килеп чыккан. Эш шунда ки, җырчыны Уфадагы “Сердце Евразии” фестивале вакытында озак җырлап, башка артистларга вакыт аз калдыруда гаеплиләр. Башта аңа “Пицца” төркеме солисты Сергей Приказчиков дәгъвә белдергән.  

“Элвин Грей аркасында безнең чыгышны кыскарттылар”, – дигән ул.  

Бераз соңрак бу турыда Башкортстан башлыгы вазифаларын башкаручы Радий Хәбировның хатыны Карина Хәбирова язып чыкты. Ул Радикны фестиваль тамашачыларын хөрмәт итмәүдә гаепләде.  

– Шәп салют, концерт һәм бәйрәм кәефе булды. Тик бер әйбер генә җитмәде – Элвин Грейның аны гына түгел, башкаларны да тыңларга килгән халыкка һәм башка артистларга хөрмәте, – дип язган ул. 

Шуннан соң Элвин Грей рәсми төстә әлеге хәлгә ачыклык кертте.    

 – Оештыручылар белән төзелгән килешүдә без башкарачак җырлар саны төгәл күрсәтелгән иде. Чараның концерт программасы озакка сузылды, нинди сәбәпләр аркасында – анысы безгә билгеле түгел. Тиешле һәм анонсланган 21.30 сәгать урынына без сәхнәгә 23.00дә генә чыктык. Графиктан калышу бик җитди булды. Сәхнәгә чыкканчы да, чыгыш ясаган вакытта да, программаны кыскартырга кирәклеге турында беркем дә кисәтмәде. 

Үз чыгышым белән башка артистларның вакытын "кисүем" турында концерттан соң билгеле булды. Таймингны 13 минутка арттырган чыгышым халыкны ихтирам итмәү булып тоелса, тамашачылардан гафу үтенәм. "Пицца" музыкантлары бик озак аппаратура тоташтырганлыктан, алып баручылар вакытны сузар өчен, мине сәхнәдә тоткарлады. «Пицца» чыгышының яртысын кисү сәер хәл, чөнки Сергей чыгышының икенче өлешендә хитларын әзерләгән булган. Безнең чыгышларга кадәр барлык артистлар да күпме теләгәнчә җырлады бит. Бу карар бик сәер. Сергей һәм аның тамашачылары шуңа үпкәләгән. Сергей Приказчиков белән без сөйләштек һәм бер-беребезне аңладык дип уйлыйм! Шулай ук безгә чараны оештыручыларның берсе сүзләре буенча, «Пицца» программасын кыскартуның чын мотивлары билгеле булды. "Элвин Грей" төркеме чыгышыннан соң, мәйдан бушый башлаган икән. Моны баш хедлайнер вәкилләре күреп алган һәм чараның баш оештыручысына төп хедлайнер сәхнәдә тамашачысыз чыкмасын өчен «Пицца» программасын кыскартырга тәкъдим иткән. Ләкин халык барыбер таралган. Бу вакыйгадан соң гаепле кешене билгеләргә кирәк иде. Һәм ул тиз табылды... Оештыручылар әлеге вазгыятькә ачыклык кертер дип ышанасы килә, – диде ул.  

 

Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 14 ноябрь 2019 - 04:57
    Без имени
    ул вакытта кеше тамак турында уйлап яшәгән, хәзер бар нәрсә дә бар, балага нәрсә ашатыйм, нәргә кигерим дип борчылмыйлар, эчке проблемалар килеп чыгарга менә дигән шарт.
    Ике баласы белән тәрәзәдән сикергән  
  • 14 ноябрь 2019 - 04:57
    Без имени
    Лилия эчен бик шат лекин мондый язмыш бик тэ сирек буладыр
    Кояшым 
  • 14 ноябрь 2019 - 04:57
    Без имени
    Бик кызганыч. Сэбэп икенчедер диеп уйлыйм мин. Безнен энилэр бала тапкан, депрессияга вакыты калмаган. Мин бишенче бала. Мунча ягып йорегэн жиремнэн чирлэдем дэ, сине йортка кереп, кендек эбисе чакыртырдым,син тугач, кич салкын а мунча да юынып чыктым дип сойли энкэй. Эле ана 91 туда, Алла бирса. Ир, 5 бала, мал туар, бакча, икмэк салу кондэ, су ерактан ташу...Аллага шокер итеп устердек сезне, эткэгез белэн ди. Депрессияга урын калмаган...
    Ике баласы белән тәрәзәдән сикергән  
  • 14 ноябрь 2019 - 04:57
    Без имени
    Укып чыктым. Беренче чиратта ихтибар иттем, нэрсэдер ул дигэнчэ килеп чыкмаса, башка кеше гаепле.
    «Иң авыры – якыннар хыянәте...» 
  • 14 ноябрь 2019 - 04:57
    Без имени
    хәзер авылдагы ике йортның берсендә ул мирас өчен талаушу. акчага, малга табынган чорда яшибез.
    «Безгә кайната-кайнанамның рәнҗеше төште...» 
Реклама
Кешелек хакында фәлсәфи уйланулар, робот София һәм ипи
Балачак – уйнар чак...